إجمالي مرات مشاهدة الصفحة

الأحد، 3 يوليو، 2011










 
ارحب كل من مر مدونتي وإن شاء الله يعجبكم كل شي اقدمه

طبعا راح اتكلم شويآآت عن نفسي وعن شخصيتي عشان تتعرفون علي آكثر


في البدايه راح اقول لكم بطاقتي الشخصيه << حسيت مقدمه على وظيفه ههههه



اڷأڛم .."||*
 

هنوف آو الهنوف مثل ماتحبون كلها نفس الشي   


اڷعمر..|{.."

 
على مشارف نهاية 27 ( الله يعطيني طولت العمر ) قولو آمين 


هۈۈآيتـــي.."||*
 
الله يسلمكم انا انسانه ماعندي هوآية معينه اي شي يستهويني احب اسويه فتره وامل منه واشوف لي شي ثاني 
اذكر من 10 سنوات كانت عندي هواية الشعر طبعا مو شاعره بس اي قصيده تعجبني سواء بمجله او جريده احب اكتبها
عندي بدفتره او خاطره وابدع في كتابتها بخطي الحلوو خخخخ جد اتكلم كثير يقولون عن خطي حلو واذكر ايام المتوسط كنت انا 
اكتب في دفتر الاذاعه عشان خطي حلو فا طبعا هالهواية لازمتني تقريبا سنتين لما مليت الدفتر قصايد وخواطر طبعا اللي احسها تعبر
عني شخصيآ بس بعدها مليت حبيت اغير جتني هواية معجبه بفنانه تخبرون ايام المراهقه الله يسلمكم يوم من الايام تذكرون ايام 
art 5 اذكر كان فيه حفلة مباشر وكانت فيه فنانة وش ملحه لابستن فستان سماوي منفوش ومنقشتن يدياتها شدت انباهي هالحرمه
ودخلت قلبي من آول نظره كانت اول حفله لها مطربتن جديده بس باين عليها انها حبيبه وطيبه استمعت لوصلتها الغنائيه وانتهت
على خير ولله الحمد بعدها بيومين سافرت الطائف وثاني يوم من وصولي كان تحت شقتنا فيه مكتبه ذاك اليوم نزلت انا والوالده
الله يحفظها واختي وبنتها كنا نبي السوق تخبرون السوق كان قريب وقلنا خل نروح مشي نطلق رجيلاتنا نزلنا واحنا ماشين
بسلام مريت من عند المكتبه شفت مجله فيها الحرمه اللي دخلت قلبي شوفو الصدف كيف شريت المجله بدون تفكير جاني فضول
اعرف وش قصتها هالحرمه وبعدها بدت قصة اعجابي فيها وصرت من المعجبين فيها ومن فانزها تبون تعرفون من هي
صبركم بتعرفونها 



فنآنتـي اڷمفضڷ.."||*
 
وه ـبس من غيرها فنانة العرب والخليج ( آحـــــــــــــــــــــــــــــــــــــــلام )




وربي اعشقها هالانسانه حب مو طبيعي 



اڷحـآڷــہ اڷأچتمآعيــہ.."||*
 

آنســـــــــــــــــــــــــــــــــــــــهـ   



أنـآآ في ڛطۈۈۈر"||*
 
 ماراح امدح نفسي بس الحمدلله طيبه ومتسامحه كثير واجتماعيه 
بس طبعا مزاجيه كثييييييييير الكل يشهد على هالنقطه فيني ههههههههه مره اكون رايقه واضحك واستهبل ومره مايكون لي 
خلق حتى نفسي مااحب احد يكلمني والنفسيه تكون صفر طبعا هالشي مو بس فيني بالاغلبيه واموت بشي اسمه اطفال خصوصا 
المواليد من عمر شهر الى سنه بعدها اكرهم هههه بالاخص البنات وهـ بس يادلبي عليها مرره حنونه عليهم الطفل اللي احبه اصير 
مثل امه يمكن احن من امه بعد لو يبي عيوني عطيته الله يسلمكم عندي بنت اخوي اموووت فيها ( طرفه ) ياحبي لها مع انها اول
ماتشوفني تصيح خخخخ اعشقها هالبنت سميت جدتي الله يرحمها كل ماادخل السوق انسى نفسي واشتري لها على قولت امي صايرتن
بنتس ههههه تنسين نفسك وتشترين لها طبع فيني اول شي احب اشتري للبنات ومو اي بنات اللي تعجبني واحبها ههههههه
احس كثرت حكي عليكم وتعبت بعد


وبث هذا اختصار عني






ليست هناك تعليقات:

إرسال تعليق